काठमाडौँ । प्रधानमन्त्री शेर बहादुर देउवाले विश्वासको मत लिने तयारी गरिरहेको अवस्थामा नेकपा एमालेका उपाध्यक्ष बामदेव गौतमले ह्विप लगाउनु गलत भएको बताएका छन् ।

उपाध्यक्ष गौतमले संविधानको धारा ७६(५) बमोजिम मतदान गर्दा ह्वीप नलाग्ने संवैधानिक इजलासले व्याख्या गरेपछि ह्वीप लाग्ने निर्णय गर्नु गलत भएको बताएका हुन् ।

पार्टी अध्यक्ष केपी शर्मा ओली पक्षका नेताहरूको स्थायी कमिटीको बैठकले प्रधानमन्त्री देउवालाई विश्वासको मत नदिन निर्देशन दिएको थियो ।

प्रधानमन्त्री देउवाले आज आइतबार विश्वास मत लिँदै छन् । उनलाई नेकपा एमालेका नेता माधव नेपाल समूहले विश्वासको मत दिर्ने निर्णय गरिसकेको छ ।