वुटवल । लुम्बिनी प्रदेशका मुख्यमन्त्री शंकर पोखरेलसाग प्रदेश सभामा बहुमत नरहेको भन्दै बहुमतको सरकार निर्माणको बाटो खोल्न प्रदेश प्रमुखलाई कांग्रेस, माओवादी केन्द्र, जनता समाजवादी पार्टी र राष्ट्रिय जनमोर्चाले माग गरेका छन् ।

प्रदेश प्रमुख अमिक शेरचनलाई ४१ सांसदको हस्ताक्षर वुझाउँदै विपक्षी चार दलले संविधानको धारा १६८(२) अनुसार बहुमतको सरकार गठनका लागि आह्वान गर्न माग गरेका हुन् ।

नेपाली कांग्रेस संसदीय दलका नेता वीरेन्द्र कुमार कनौडिया, नेकपा (माओवादी केन्द्र) का संसदीय दलका नेता कुलप्रसाद केसी, जनता समाजवादी पार्टी संसदीय दलका नेता सहसराम यादव र राष्ट्रिय जनमोर्चाकी संसदीय दलकी नेता तारा जिसीले संयुक्त रुपमा प्रदेश प्रमुख शेरचनलाई भेटी मुख्यमन्त्री पोखरेलले अल्पमतको सरकार चलाईरहेको जिकिर गरेका हुन् ।

संविधानको धारा १६८ (१) अनुसार एकल बहुमतको मुख्यमन्त्री नियुक्त भएका शंकर पोखरेलले बहुमत गुमाएको भन्दै दुई वा दुई भन्दा बढी दलको समर्थनमा बहुमतको सरकार गठनको आह्वान गर्न माग गरेका हुन् ।

निवेदनमा प्रदेशसभामा हाल कायम रहेका ८० सांसदमध्ये नेपाली कांग्रेसका १९ जना, माओवादी केन्द्रका १८ जना (सभामुख वाहेक), जनता समाजवादी पार्टीका ३ जना र राष्ट्रिय जनमोर्चाका १ जना गरी ४१ जनाको हस्ताक्षर छ ।
सत्तारुढ नेकपा एमालेसँग ३८ सांसदमात्र रहेका छन् ।

एमाले-माओवादी विभाजित भएपछि माओवादीले मु्ख्यमन्त्री पोखरेलको साथ छोडेका थिए । विश्वासको मत फिर्ता लिएपछि उनी विरुद्ध विपक्षी चार दलले नै बहमत आफुहरुसाग रहेको जिकिर सहित पत्र वुझाएपनि त्यसवेलाका प्रदेश प्रमुखले त्यसको सुनुवाई गरेका थिएनन । अहिले प्रदेश प्रमुख फेरिएपछि चार दल फेरि बहुमत सांसदको हस्ताक्षर सहित बुहमतको सरकार गटनको माग सहित निवेदन वुझाउन पुगेका हुन् ।

पत्र बुझदै प्रदेश प्रमुख शेरचनले आफुले सम्वैधानिक र राजनीतिक कानुनु हेरेर छिट्टै निर्णय लिने जानकारी गराएका छन् ।

हेर्नुहोस पत्र