काठमाडौं । सत्ता गठबन्धन दलको बालुवाटार बैठक सकिएको छ । विहान ११ बजेवाट शुरु भएको बैठकले सरकारको साझा नीति तथा कार्यक्रम बनाउन गठित कार्यदलले दिएको प्रतिवेदनमा केन्द्रीत रहेर छलफल गरेको थियो ।

छलफल पछि कार्यदलले प्रधानमन्त्री शेरवहादुर देउवा सहित शीर्ष नेतालाई शुक्रवार नै वुझाएको नीति तथा कार्यक्रम आज सिंहदरवारवाट सार्वजनिक गर्ने कार्यक्रम तय भएको छ ।

अपारन्ह ४ वजे सिंहदरवारवाट अव सरकारको साझा नीति तथा कार्यक्रम सार्वजनिक गर्ने कार्यक्रम बनेको छ, आजको वालुवाटार वैठकमा नीति तथा कार्यक्रमकै विषयमा केन्द्रीत रहेर कुराकानी भएको थियो,’ नेकपा माओवादी केन्द्रका अध्यक्ष पुष्पकमल दाहाल (प्रचण्ड)का प्रेस विज्ञ विष्णु सापकोटा (जुगल)ले जानकारी दिए ।

कांग्रेसका महामन्त्री पूर्णबहादुर खड्का संयोजकत्वको ७ सदस्यीय कार्यदल गठन गरेको थियो ।

आज सरकारको साझा कार्यक्रम सार्वजनिक गरेपछि अव मन्त्रिपरिषद् विस्तारका विषयमा थप छलफल गर्ने गठवन्धन दलले बताएका छन् ।