काठमाडौं । कांग्रेस, माओवादी केन्द्र लगायतका गठबन्त्रन दलले प्रधानमन्त्री शेरवहादुर देउवा नेतृत्वको सरकार गठन भएको महिना दिनपछि सरकारको साझा नीति तथा कार्यक्रम सार्वजनिक गरेका छन् । प्रधानमन्त्री शेरवहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, जनता समाजवादीका अध्यक्ष उपेन्द्र यादव लगायतका नेताहरुको उपस्थितीमा सिंहदरवारवाट गठवन्धनले सरकारको साझा नीति कार्यक्रम सार्वजनिक गरेका हुन् ।

सबल र समृद्ध नेपालको निर्माण गर्ने सङ्कल्प गर्ने क्रममा प्रतिनिधिसभा विघटन र त्यसपछि भएका आन्दोलनको चर्चा गदै नीति कार्यक्रममा असंवैधानिक रूपमा प्रतिनिधिसभा विघटन गरी सर्वसत्तावादी, अलोकतान्त्रिक र अधिनायकवादी रूपमा शासन सत्ता सञ्चालन गर्ने प्रतिगामी प्रवृत्तिको अन्त्य र सङ्घीय लोकतान्त्रिक गणतन्त्र, संविधान र संसद्‌को रक्षार्थ भएको सङ्घर्षको भावनालाई आत्मसात्‌ गर्दै वर्तमान सरकारले काम गर्ने भनिएको छ।

कोभिड-१९ बाट उत्पन्न महाविपत्तिबाट मुक्ति दिलाउने, स्वास्थ्य खरिदमा भएको अनियमितता छानविन गर्ने र दोषीउपर कारवाही गर्ने, लिपुलेक, लिम्पियाधुरा जस्ता सीमासम्बन्धी समाधान हुन बाँकी समस्या कूटनीतिक माध्यमबाट समाधान गर्ने, सीमा सुरक्षा चौकी वृद्धि गर्ने, सङ्घीयताको कार्यान्वयन र सङ्घीय लोकतान्त्रिक गणतन्त्रको सुदृढीकरण गर्ने लगायतका कार्यक्रम समेटिएको छ ।

हेर्नुहोस सरकारको प्राथमिकतामा कसका लागि के समावेश छन् ? पूर्ण पाठ :