काठमाडौँ । त्रिभुवन विश्वविद्यालयले कुनै परीक्षाहरू नरोकिने जनाएको छ । विश्वविद्यालयले हाल सञ्चालन भइरहेका कुनै परीक्षा नरोकिने जनाएको हो ।

आइतबार बसेको त्रिवि परीक्षा सुधार तथा समन्वय समिति र प्राविधिक परिषदको बैठकले सञ्चालन भइरहेको परीक्षा नरोकिने निर्णय गरेको हो । विद्यार्थी संख्या थोरै भएकाले स्वास्थ्य मापदण्डअनुसार परीक्षा सञ्चालन गर्ने निर्णय भएको त्रिविले जनाएको छ ।

त्रिविले सञ्चालन गरिरहेको वार्षिक परीक्षाहरु आगामी साउन २९ गते र सेमेष्टर प्रणालीको परीक्षा भदौ ५ गते सकिने छ ।

कोरोना संक्रमितको संख्या बढेसँगै स्वास्थ्य तथा जनसंख्या मन्त्रालयले परीक्षाहरू स्थगित गर्न सिफारिस गरेको थियो । सो सिफारिससँगै कक्षा १२ को परीक्षा स्थगित गरिएको छ भने अन्य परीक्षाहरु रोक्नु पर्ने आवाज उठ्दै आएको छ ।