काठमाडौं । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसूचक हालसम्मकै उच्च विन्दुमा पुगेको छ ।

लगातार उच्च विन्दु बनाउँदै आएको शेयर बजार आज ३ हजार १ सय ६१ द्यशमलब ४४ विन्दुमा पुगेको छ । नेप्से परिसूचक मंगलबार ५१ दशमलब ८६ अंकले वृद्धि भएको छ ।

नेप्से परिसूचकसँगै कारोबार रकम बढ्दै गएको छ । मंगलबार २ सय २५ कम्पनीको ३ करोड ३५ लाख ३५ हजार कित्ता शेयर १७ अर्ब ८४ करोड ६१ लाख रुपैयाँमा खरिद विक्री भएको छ ।

करोबारमा आएका १३ समूहमध्ये ३ वटा समूहको परिसूचक घटेको छ भने बाँकी समूहको परिसूचक वृद्धि भएको छ । परिसूचक घट्नेमा हाइड्रोपावर १० दशमबल ८ प्रतिशत, र उद्योग समूह १ दशमलब ६६ प्रतिशत रहेको छ ।

सर्वाधिक परिसूचक वृद्धि फाइनान्स समूहको भएको छ । फाइनान्स समूहको परिसूचक ६ दशमलब ७८ प्रतिशतले वृद्धि भएको छ । ११ वटा कम्पनीको शेयर मूल्य १० प्रतिशतले वृद्धि भएको छ ।