काठमाडौं । नेपाल धितोपत्र बोर्डका अध्यक्ष भिष्मराज ढुंगानाले बोर्डका उच्च तहका कर्मचारीहरुको सरुवा गरेका छन् । अध्यक्ष ढुंगानाले कार्यकारी निर्देशक निरज गिरी र कायम मुकायम कार्यकारी निर्देशकद्वय मुक्तिनाथ श्रेष्ठ र विनयदेव आचार्यको सरुवा गरेका हुन् ।

कार्यकारी निर्देशक निरज गिरीलाई वस्तु बजार अनुसन्धान विभागमा राखेका छन् भने वस्तु बजार अनुसन्धान विभागमा रहेका विनयदेव आचार्यलाई सुपरिवेक्षण विभागको जिम्मेवारी दिएको जनाइएको छ । सुपरिवेक्षण विभागमा रहेका मुक्तिनाथ श्रेष्ठले नियमन तथा व्यवस्थापन विभागको जिम्मेवारी पाएको धितोपत्र बोर्डले जनाएको छ ।

धितोपत्र बोर्डमा नियमन तथा व्यवसथापन विभाग र सुपरिवेक्षण विभागलाई ठूलो विभाग मानिन्छ । महत्वपूर्ण विभागमा बोर्ड अध्यक्ष ढुंगानाले आफ्ना निकटकालाई ल्याएको बताइउको छ ।

गत बैशाखमा वरिष्ठताको आधारमा श्रेष्ठ र आचार्यलाई कामु कार्यकारी निर्देशकको जिम्मेवारी दिईएको थियो । कार्यसम्पादन मुल्यांकनको आधारमा हुने नियमित बढुवा भने लोक सेवाको अनुमतिमा हुने गरी उनीहरुलाई कामुको जिम्मेवारी दिइएको थियो ।

यद्यपी अध्यक्षले आफ्ना निकटता र आफ्ना बुँदामा असहमति जनाउनेलाई छुट्टाएका छन् ।