काठमाडौँ । नेपाल स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक साताको चौथो दिन बुधबार १. १८ अंकले बढेर २७७.२ विन्दुमा पुगेको छ ।

बजार परिसुचकमा सामान्य सुधार आएपनि कारोबार रकम भने गिरावट देखिएको छ । कूल २ सय २६ कम्पनीको १ लाख ४ हजार ३ सय ४२ कारोबारबाट ९ अर्ब ३५ करोड १७ लाख ९९ हजार ६ सय ५५ रुपैयाँ बराबरको १ करोड ७१ लाख ८२ हजार ८ सय ७१ कित्ता शेयर किनबेच भए । मंगलबार १३ अर्ब रुपैयाँभन्दा बढीको कारोबार भएकाले बुधबार रकममा हस देखिएको हो ।

कारोबार भएकामध्ये एक कम्पनी कम्पनीहरुमा रुरु जलविद्युत परियोजना रहेको छ । यस कम्पनीको शेयर मूल्य ७.५५ प्रतिशतले बढेको छ ।

सनराइज फस्ट म्युचुअल फण्डका लगानीकर्ताले सर्वाधिक गुमाएका छन् । यसको शेयरमूलय ९.९८ प्रतिशतले घटेको छ । कारोबारको आधारमा सबैभन्दा बढी अरुण भ्याली हाइड्रोपार डेभलपमेन्ट कम्पनीको भएको छ । यस कम्पनीको ५९ करोडभन्दा बढीको कारोबार भएको स्टक एक्सचेञ्जले जनाएको छ ।