काठमाडौँ । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसूचक ठूलो अंकले घटेपछि सर्टिक ब्रेक लगाईएको छ ।

कारोबार हुने साताको पहिलो दिन आइतबार १ सयभन्दा बढी अंकसँगै ५.३ प्रतिशतले घटेपछि सर्किट ब्रेक लागेको स्टक एक्सचेञ्जले जनाएको छ ।

नेप्सेमा सर्किट ब्रेक लाग्दासम्म ७ अर्ब १९ करोडको कारोबार भएको छ । आइतबार कारोबारमा आएका २ वटा बाहेक सबै कम्पनीको मूल्य घटेको छ ।

सर्किट ब्रेकको नियमअनुसार कारोबार सुरु भएको पहिलो घण्टामा नेप्से सूचक ४ प्रतिशतले घटे वा बढेमा केही समयका लागि स्थगित गरिन्छ ।

नेपाल राष्ट्र बैंकको मार्जिन कर्जा सम्बन्धि ब्यबस्थाले लगानीकर्ताले गर्दा बजारमा भारी परिवर्तन भएको लगानीकर्ता नवराज अधिकारीले बताए ।