काठमाडौँ । नेपाली महिला फुटबल टिम बंगलादेशविरुद्ध खेलमा २–१ गोल अन्तरले विजयी भएको छ । काठमाडौँस्थित दशरथ रंगशालामा भएको खेलमा नेपालले २–० को अग्रता बनाएको थियो ।

पहिलो हाफमै २-० गोल अन्तरले अग्रता लिएको नेपाली टिमबाट सविता राना र प्रीति राईले एक–एक गोल गरेका थिए । दुवै खेलाडीले राष्ट्रिय टिमका लागि आफ्नो पहिलो खेलमा गोल गरेका हुन् ।

खेलको ८३ औँ मिनेटमा बंगलादेशबाट तोहुरा खातुनले एक गोल फर्काइन् ।

नेपालले एएफसी महिला एशियन कप २०२२ छनोटका लागि तयारी गर्न बंगलादेशसँग मैत्रिपूर्ण खेल खेलेको हो । दुई टोलीबीच आइतबार दोस्रो मैत्रीपूर्ण खेल हुने भएको छ ।