काठमाडौं । नवनियुक्त प्रधान सेनापति प्रभुराम शर्माले नेपाली सेनाका सकल दर्जालाई चार कोठाको घर निर्माणका लागि २५ लाख ऋण दिने घोषणा गरेका छन् ।

उनले सैनिक कल्याणकारी कोषबाट सेनालाई घर बनाउन २५ लाख ऋण दिने घोषणा गरेका हुन् । शुक्रबार पदबहाली गरेपछि सकल दर्जालाई सम्बोधन गर्दै प्रधानसेनापछि शर्माले १० वर्ष सेवा पुरा गरेका सैनिकलाई २५ लाख बराबरको सहुलियतपूर्ण ‘आवास कर्जा’ दिने घोषणा गरे ।

सेनाका सकल दर्जा अवकाश हुँदा कमसेकम ओत लाग्ने ठाउँको सुनिश्चितता गर्न र घर बनाउन सक्षम हुन् भन्ने आफ्नो चाहना भएको उनले बताए ।

राष्ट्रिय सुरक्षा नीति र प्रतिरक्षा नीतिअनुसार सैनिक रणनीतिको निर्माण गरेर सैनिक मुल ग्रन्थ पुनरावलोकन गरिने पनि प्रधानसेनापछि शर्माले उल्लेख गरे । सोही क्रममा उनले राष्ट्रिय गौरवको आयोजना द्रुतमार्गलाई निर्धारित समयमा पूरा गर्न विशेष पहल गर्ने प्रतिवद्धता पनि जनाएका छन् ।