काठमाडौं । नेपालमा पछिल्लो २४ घण्टामा थप ९९४ जनामा कोरोना भाइरसको संक्रमण पुष्टि भएको छ ।

पिसिआर विधिबाट ६ हजार १ सय ३७ जना र एन्टिजेनबाट ३७०३ जना गरी ९ हजार ८४० जनामा कोरोना परीक्षण गर्दा ९ सय ९४ जनामा संक्रमण पुष्टी भएको स्वास्थ्य तथा जनसंख्या मन्त्रालयले जनाएको छ ।

काठमाडौं उपत्यकामा ३५७ संक्रमित थपिए

काठमाडौं उपत्यकामा थप ३५७ कोरोना संक्रमित थपिएका छन् ।

मन्त्रालयकाअनुसार काठमाडामा २३०, ललितपुरमा ८५ र भक्तपुरमा ४२ जनामा कोरोना संक्रमण पुष्टि भएको छ ।

संक्रमित १२ जनाको मृत्यु

कोरोना संक्रमण पुष्टी भएका थप १२ जनाको मृत्यु भएको पनि मन्त्रालयले पुष्टी गरेको छ । अहिलेसम्म कोरोनाको संक्रमणबाट नेपालमा १० हजार ९३६ जनाको मृत्यु भएको छ ।

त्यस्तै, पछिल्ला २४ घण्टामा देशभरबाट १ हजार ३ सय ६८ जना कोरोना संक्रमणमुक्त भएको स्वास्थ्य मन्त्रालयले जनाएको छ ।