देशभर १७६० कोरोना संक्रमित थपिए, सातको मृत्यु

मेरोन्यूज २०७८ भदौ ३० गते १६:४३

काठमाडौं । नेपालमा पछिल्लो २४ घण्टामा १७६० जना नयाँ कोरोना संक्रमित थपिएका छन् ।

पछिल्लो २४ घण्टामा आरटी पीसीआर परिक्षण गर्दा १३३२ जना र एन्टिजन परिक्षण गर्दा ४२८ जना गरि जम्मा १७६० जनामा संक्रमण पुष्टी भएको स्वास्थ्य तथा जनसंख्या मन्त्रालयले जनाएको छ ।

आज थपिएका मध्ये काठमाडौंका ३६० जना, भक्तपुरका ६३ र ललितपुरका ७२ जना रहेका छन् ।

कोरोना संक्रमण पुष्टी भई पछिल्लो २४ घण्टामा ७ जनाको मृत्यु भएको छ ।

त्यस्तै, पछिल्लो २४ घण्टामा १२२० जना कोरोनामुक्त भएको स्वास्थ्य मन्त्रालयले जनाएको छ ।