काठमाडौं । नेपाल स्टक एक्सचेञ्जमा आबद्ध कम्पनीको शेयर कारोबार मापक नेप्से परिसूचक कारोबार हुने साताको तेस्रो दिन मंगलबार केही सुधार आएको छ ।

बजार परिसूचक १३ दशमलब ८३ अंकले बढेर २ हजार ७ सय १२ दशमलब ७ बिन्दुमा पुगेको छ । यो अघिल्लो दिनको तुलनामा शुन्य दशमलब ५१ प्रतिशत बढी रहेको स्टक एक्सचेञ्जले जनाएको छ ।

कूल २२३ कम्पनीको ९५ हजार ६ सय ४६ कारोबारबाट ७ अर्ब ३६ करोड ४७ लाख ९८ हजार ६ सय ५२ रुपैयाँ बराबरका १ करोड ५३ लाख ६ लाख ६१ कित्ता शेयर किनबेच भए ।

मंगलबारको कारोबारमा शुरुवातमा ८३ अंक अर्थात् १८ प्रतिशतको गिरावटपछि बजार स्थिर रहँदै उचालिने संकेत देखिएको हो । मंगलबारको कारोबारले आगामी दिनमा सुधारको सम्भावनाको संकेत गरेको छ ।

शेयर धितो कर्जामा कडाइ, ब्याजदर वृद्धिको हल्ला, सीमित लगानीकर्ताहरुले बजार घटाउन चालेका कदमहरुलाई चिर्दै शेयर बजार सकारात्मक हुने वाटोमा मोडिएको मंगलबारको कारोबारले देखाएको छ ।

योसँगै शेयर कारोबारमा आबद्ध कम्पनीहरुले लाभांश घोषणालाई प्राथमिकता दिइरहेको पनि अहिलेको मूल्यमा लाभांश बढावा हुने लक्षण मंगलबारको कारोबारले देखाएको छ ।