काठमाडौँ । नेपाली कांग्रेसमा महाधिवेशनको कार्य तालिकाअनुसार हिमाली जिल्लामा जिल्ला अधिवेशन गर्ने भएको छ । बुधबार बसेको पदाधिकारी बैठकले पालिकाबाहेकका सबै अधिवेशनहरू दशैंपछि गर्ने निर्णय गरेको थियो ।

पार्टीको बिहीबार सिंहदरबारमा निर्वाचन समितिसहितको पदाधिकारी बैठकले मौसमलाई मध्यनजर गरेर हिमाली जिल्लामा दशैंअघि नै अधिवेशन गर्ने निर्णय गरेको हो ।

हिमाली जिल्लाको सूचीमा सोलुखुम्बु, दोलखा, सिन्धुपाल्चोक, रसुवा, मनाङ, मुस्ताङ, डोल्पा, जुम्ला, मुगु, हुम्ला, कालीकोट, बाजुरा, बझाङ, ताप्लेजुङ, संखुवासभा, दार्चुला, धादिङ, गोरखासहित २१ जिल्ला रहेका छन् ।

कांग्रेसमा हालसम्म ६४ जिल्लाको वडा अधिवेशन सम्पन्न भइसकेको छ । ती जिल्लामा ९ असोजमा पालिका अधिवेशन तयारी छ ।

१३ जिल्लाको क्रियाशील सदस्यता सार्वजनिक नहुँदा अधिवेशन तालिका नै प्रभावित भएको छ ।