काठमाडौं । नेपाल स्टक एक्सचेञ्ज (नेप्से)मा साताको कारोबारको पहिलो दिन नै आइतबार उच्च अंकको गिरावट आएको छ ।

आइतबार नेप्से ६१.२७ अंकले घटेर दुई हजार ७ सय ५८ दशमलव ४८ विन्दुमा पुगेको नेपाल स्टक एक्सचेन्जले जनाएको छ ।
त्यस्तै, आइतबार ६ अर्ब ५० करोड बराबरको कारोबार भएको छ ।

आइतबार कारोबार भएका कम्पनीमध्ये मनकामना स्मार्ट लघुवित्त को मात्रै शेयरमूल्यमा पोजेटिभ सर्किट देखिएको छ । यस कम्पनीको शेयरमूल्य १० प्रतिशतले बढेर प्रतिकित्ता १३१७.२० रुपैयाँ पुगेको छ ।

त्यस्तै, सबैभन्दा बढी अरुण भ्याली हाइड्रोपावरले कारोबार गरेको छ । अरुणभ्याली हाइड्रोपावरको ३३ करोड भन्दा बढीको कारोबार भएको छ ।