काठमाडौँ । नेपाली बजारमा आइतबार सुनचाँदीको मूल्य वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा दुई सय रुपैयाँले बढेको हो ।

यससँगै आज सुनको मूल्य ८९ हजार ८ सय रुपैयाँ कामय भएको छ । चाँदीको मूल्यमा २० रुपैयाँले बढेर एक हजार १६० रुपैयाँ पुगेको छ ।

गत शुक्रबार सुन प्रतितोला ८९ हजार ६ सय रुपैयाँ र चाँदी एक हजार १४० रुपैयाँमा कारोबार भएको थियो । यसैगरी तेजाबी सुनको मूल्यमा समेत दुई सय रुपैयाँले वृद्धि भई आज ८९ हजार ३५० रुपैयाँमा कारोबार भएको छ ।