काठमाडौं । नेपाल स्टक एक्सचेञ्ज (नेप्से)मा साताको कारोबारको पहिलो दिन नै आइतबार उच्च अंकको गिरावट आएको छ ।

आइतबार नेप्से ५५.९३ अंकले घटेर दुई हजार पाँच सय ७७ दशमलव ४९ विन्दुमा रोकिएको छ ।

नेपाल स्टक एक्सचेन्जकाअनुसार साताको पहिलो दिन आइतबार ४ अर्ब ११ करोड ३८ लाख बराबरको कारोबार भएको छ ।

आइतबार कारोबार भएका कम्पनीमध्ये मनकामना मैलुङ खोला जलविद्युत कम्पनी र स्वाभिमान लघुवित्त वित्तीय संस्थाको शेयरमूल्यमा उच्च बृद्धि भएको छ । मैलुङ खोला जलविद्युत कम्पनीको शेयरमूल्य आइतबरा १० प्रतिशतले बढेको छ भने स्वाभिमान लघुवित्त वित्तीय संस्थाको शेयरमूल्य ६.५ प्रतिशतले बढेको छ ।

आइतबार गुहेश्वरी मर्चेन्ट बैंक एण्ड फाइनान्स कम्पनी र रैराङ हाइड्रोपावर डेभलपमेन्ट कम्पनीका लगानीकर्ताले सर्वाधिक गुमाएका छन् । केही दिनयता शेयर कारोबारमा उचारचढाव आइरहेको छ । शेयर कारोबारमा गिरावट आउने क्रम तीब्र छ ।