काठमाडौँ । राष्ट्रिय प्रजातन्त्र पार्टी (राप्रपा)ले महाधिवेशनको समय तालीका हेरफेर गरेको छ । पार्टी अध्यक्षहरु डा प्रकाशचन्द्र लोहनी, पशुपति शमशेर राणा र कमल थापाको उपस्थितिमा बसेको केन्द्रीय बिशेष समितिको बैठकले महाधिवेशनको समय तालीका हेरेफर गरेको हो ।

राप्रपाले जिल्ला अधिवेशनको म्याद थप्ने निर्णय गरेको छबैठकले जिल्ला अधिवेशन गर्ने म्याद कार्तिक १४ गतेसम्म थप गरेको छ । राप्रपाले असोज २० गतेसम्म जिल्ला अधिवेशन गर्ने म्याद थपिएको थियो त्यसमा पुनः समय थपेको हो । यस्तै बैठकले सक्रिय सदस्यता वितरण तथा डिजिटल इन्ट्री गर्ने म्याद कार्तिक १० गतेसम्मका लागि थप गर्ने निर्णय पनि गरेको छ ।

प्रदेश सभा निर्वाचन क्षेत्रमा महाधिवेशन प्रतिनिधिहरुको निर्वाचन कार्तिक ११ देखि १७ गतेसम्म र ७ वटै प्रदेश कार्य समितिको अधिवेशन कार्तिक २३ गतेसम्मको समय थप गरिएको छ । प्रदेश सभा निर्वाचन क्षेत्रमा महाधिवेशन प्रतिनिधिहरुको निर्वाचन १७ गते, जिल्ला अधिवेशन कार्तिक २३ गतेसम्म गर्ने निर्णय भएको राप्रपाले जनाएको छ । राप्रपाले कार्तिक २७, २८, २९ र ३० गते काठमाडौँमा महाधिवेशन गर्ने यसहघि नै निर्णय गरेको थियो ।