काठमाडौँ । बुधबार अफगानिस्तानको राजधानी काबुलमा तालिवानको सवारी साधनलाई लक्षित गरी ग्रेनेड आक्रमण भएको छ । घटनामा परी दुई लडाकू र चार जना बालबालिका घाइते भएका छन् ।

अपराधीहरुको खोज र अनुसन्धान सुरु गरिएको तालिवान आन्तरिक मन्त्रालयका प्रवक्ता कारी सइद खोस्तीले एएफपीलाई बताएका छन् । प्रारम्भिक समाचारमा चार जना विद्यार्थी घाइते भएका अर्का एक अधिकारीले जानकारी दिए ।

एक प्रत्यक्षदर्शीले एएफपीलाई स्थानीय समयानुसार बुधबार बिहान ८ बजे काबुलको पश्चिम भागमा रहेको देह मझाङ जिल्लामा अत्यन्त व्यस्त समयमा विस्फोट भएको जानकारी दिएका थिए ।