काठमाडौं । पछिल्लो २४ घण्टामा देशभर ६६२ जना कोरोना संक्रमित थपिएका छन् । पीसीआर परीक्षणबाट ५३५ र एन्टिजेन परीक्षणबाट १२७ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा.कृष्ण पौडेलले जानकारी दिए । उनका अनुसार अहिले पनि कोरोना संक्रमण हुने दर १८ प्रतिशत रहेको छ ।

पछिल्लो २४ घण्टामा जम्मा ८ हजार ४२६ नमुनाको कोरोना परीक्षण भएको छ । जसमा ७ हजार २२ पीसीआर र १४०४ एन्टिजेन परीक्षण भएको मन्त्रालयले जनाएको छ ।

सोही अवधिमा ७५८ जना कोरोनामुक्त भएका छन् । कोरोना संक्रमणबाट १३ जनाको मृत्यु भएको छ । अहिले देशभर पीसीआर परीक्षणको संक्रमणदर ७।६ प्रतिशत रहेको प्रवक्ता पौडेलले बताउनु भयो । पहिलेको तुलनामा संक्रमणदर कम भएपछि जोखिम उत्तिकै रहेको उहाँको भनाइ छ । नेपालको हालसम्मको कुल संक्रमणदर १८।६ प्रतिशत रहेको छ