काठमाडौँ । सामाजिक सञ्जाल फेसबुकको नाम परिवर्तन भएको छ । फेसबुकका संस्थापक मार्क जुकरबर्गले फेसबुकको नाम परिवर्तन गरेका हुन् ।

उनले फेसबुकको नाम परिवर्तन गर्दै मेटा राखेका छन् । फेसबुकको नाम परिवर्तन भएसँगै रोजगारीको नयाँ अवसर खोल्ने बताइएको छ ।

फेसबुकले आफूलाई केवल सोसल मिडियाभन्दा व्यापक भएको चिनाउन चाहेको जनाएको छ । फेसबुकले पछिल्लो समय स्मार्ट चस्मा लगायतका कन्जुमर हार्डवेयर उत्पादन सुरु गरेको छ ।