काठमाडौँ । सानिमा बैंक लिमिटेडले आफ्नो शेयर धनीहरूलाई चुक्ता पूँजीको १७ प्रतिशत बोनस र ०.८९४७ प्रतिशत नगद लाभांश दिने भएको छ । आइतबार सम्पन्न १७ औँ वार्षिक साधारण सभाबाट बैंकले शेयर धनीलाई बोनस र शेयर दिने निर्णय गरेको हो ।

सञ्चालक समितिले गरेको प्रस्तावअनुसार सो प्रस्ताव पारित भएको बैंकले जानकारी दिएको छ । साधारणसभाबाट संस्थापक समूहतर्फबाट सञ्चालक समितिमा तुकप्रसाद पौडेल, गायत्री थापा र डा. केशवप्रसाद आचार्य सर्वसम्मत निर्वाचित भएका छन् । पौडेल र थापा पुनः निर्वाचित भएका हुन् ।

आर्थिक वर्ष २०७७–७८ मा २ अर्ब ३२ करोड रुपैयाँ खुद मुनाफा गरेकोमा कूल सम्पत्ति १ खर्ब ६० अर्ब ७५ करोड, कूल निक्षेप १ खर्ब ३० अर्ब ८८ करोड तथा खुद कर्जा सापटी १ अर्ब २३ अर्ब १७ करोड रुपैयाँ पुगेको बैंकले जानकारी जनाएको छ ।