काठमाडौँ । वित्तिय संस्थामा तरलताको बहस चलिरहेको अवस्थामा केही बैंकले मुनाफा कमाएका छन् । आर्थिक पत्रकार समाज (सेजन) ले गरेको अर्थ संवादमा नेपाल राष्ट्र बैंकका गर्भनर महाप्रसाद अधिकारीले कोभिड १९ को प्रभाव विस्तारै न्यूनीकरण हुँदा छिटो रिकभर भएको बताएका थिए ।

तर कोभिड १९ का कारण कतिपय ऋणी समस्यामा नदेखिएका होइनन् । नेपाल बैंकर्स एशोसियशनले जारी गरेको सूचनानुसार २३ वटा वाणिज्य बैंकले खराब कर्जा व्यवस्थापन गरेर मुनाफामा सुधार ल्याएको जनाएको छ । एशोसियशन अनुसार बैंकको खराब कर्जा बढेको देखिए पनि उनीले ऋणीलाई विभिन्न सुत्र प्रयोग गरेर कर्जा असुल गरेका हुन् ।

चालू आर्थिक वर्षको पहिलो त्रैमासिक अर्थात् गत असोज मसान्तसम्म सिटिजन बैंक, माछापुच्छ्रे बैंक, नबिल बैंक र एनआईसी एशिया बैंक सहित ४ बैंक बाहेक अरु २३ वटा बैंकले ऋण उठाएर मुनाफा बढाएको नेपाल बैंकर्स एशोसियशनले जनाएको छ ।

यी ४ वटा बैंकको खराब कर्जा बढेको एशोसियशनका अध्यक्ष भुवन दाहालले जानकारी दिए । गत आर्थिक वर्षको यहि अवधिमा नेपाल सरकारले कोभिड १९ नियन्त्रण तथा रोकथामका लागि निषेधाज्ञा तथा लकडाउन गरेको थियो । जसले गर्दा बैंकमा खराब कर्जा बढेको थियो । तत्कालीन समयमा नेपाल राष्ट्र बैंकले खराब कर्जाको विषयमा विद्यमान कानूनी व्यवस्था नै संशोधन गरी बैंकहरुलाई राहत दिएको थियो ।

केन्द्रीय बैंकले कोभिड प्रभावित कति कर्जालाई पुनरतालिकीकरण, पुनरसंरचनाको सुविधा दिएको छ । यसका साथै कोभिड १९ बाट अतिप्रभावित ऋणीलाई सहुलियतपूर्ण कर्जा दिइरहेको छ । नेपाल राष्ट्र बैंकको नीतिले पनि खराब कर्जामा केही सुधार देखिएको बैंकर्स एशोसियशनको दाबी छ । सिभिल, नेपाल क्रेडिट एण्ड कमर्स, सेञ्चुरि बैंकको मुनाफामा राम्रो सुधार देखिएको छ । सबैभन्दा कम अर्थात सुधारको अन्तिममा सानिमा बैंकको रहेको छ ।