काठमाडौँ । विराटनगरमा पहिचान नखुलेको एक पुरुषको शव भेटिएको छ । विराटनगर महानगरपालिका १६ स्थित दरैया मुसहरी वस्ती नजिक खदम खोला किनारमा युवकको शव भेटिएको प्रहरीले जनाएको छ ।

शवको पहिचान खुल्न नसकेको भन्दै प्रहरीले आफन्तलाई सम्पर्क गर्न आग्रह गरेको छ । पहिचानका लागि प्रहरीले मृतकको हुलियासमेत सार्वजनिक गरेको छ ।

कालो रंगको टिसर्ट र कालै रंगको ट्राउजर, गोरो अनुहार, पाँच फिट चार इन्च उचाई, कालो कपाल, घाटीमा गणेशको टाउको भएको खैरो रंगको माला र बायाँ कानमा पहेँलो धातुको कुन्डल लगाएका युवाको शव भेटिएको हो ।

शव पोष्टमार्टम गर्नका लागि कोशी अस्पताल विराटनगरमा राखिएको छ ।