काठमाडौँ । सल्यानको कपुरकोटमा भएको बस दुर्घटनामा मृत्यु हुनेको संख्या १२ पुगेको छ । मृत्यु भएकामध्ये ९ जनाको सनाखत भएको छ ।

जिल्ला प्रहरी कार्यालयका अनुसार मृत्यु हुनेमा दाङको बबई गाउँपालिका ६ की ६० वर्षकी दैली चलाउने, सोही गाउँपालिका–५ की ६५ वर्षकी कलादेवी बुढाथोकी, सल्यानको छत्रेश्वरी गाउँपालिका १ का तिलक वली, सोही जिल्लाको शारदानगर नगरपालिका २ की प्रभा चलाउने, सोही ठाउँकी ६५ वर्षकी मीना डाँगी, शारदा नगरपालिका ३ की ३६ वर्षकी लीला बुढाथोकी, रुकुम पश्चिमको त्रिवेणी गाउँपालिका १ की मीना शाही, दाङको शान्तिनगर गाउँपालिकाकी सावित्रा केसी र घोराही उपमहानगरपालिका १० की ३६ वर्षकी रुपा केसी रहेका छन् ।

सल्यानका प्रहरीका अनुसार ६ जनाको घटनास्थलमा र अस्पतालमा ६ जनाको मृत्यु भएको छ । बस आइतबार बिहान ११ बजेतिर कपुरकोट गाउँपालिका ५ स्थित खारखोलामा दुर्घटना भएको थियो ।