काठमाडौँ । कैलालीमा एक पुरुष मृत अवस्थामा फेला परेका छन् । जिल्लाको मोहन्याल गाउँपालिका ४ सिमली खोलाको जंगलमा एक पुरुष मृत अवस्थामा फेला परेको प्रहरीले जनाएको छ ।

इलाका प्रहरी कार्यालय सुखडका अनुसार घोडाघोडी नगरपालिका ४ जनकपुर घर भएका अन्दाजी ५०–५५ वर्षीय पदम आचार्य मृत अवस्थामा फेला परेका हुन् ।

घटनाबारे थप अनुसन्धान भइरहेको इलाका प्रहरी कार्यालय सुखडका प्रमुख एवं प्रहरी नायव निरीक्षक सागर बोहराले जानकारी दिए ।