डडेलधुरा । नेकपा एमालेको निर्वाचित जिल्ला कमिटिका अध्यक्ष सहितको कमिटि नै नेकपा एकीकृत समाजवादीमा समाहित भएको छ । ततकालिन एमाले र माओवादीवीच पार्टी एकता हुनु अगाडी डडेलधुरा एमालेका अध्यक्ष रहेका तारा जोशी लगायतको टोली नै नेकपा एकीकृत समाजवादीमा समाहित भएको हो ।

जोशी सहितको टोलीलाई अध्यक्ष माधव नेपालले डडेलधुरा नै पुगेर एक कार्यक्रमको आयोजना गरी पार्टी प्रवेश गराएका छन् ।

नेकपा एमालेमा असार २७ मा भएको १० बुँदे सहमति कार्यन्वयन नभएको भन्दै डडेलधुराको एमालेको पार्टी जिल्ला कमिटी माधव नेपाल नेतृत्वको पार्टीमा समाहित भएको हो ।

एमालेमा १० बुँदे सहमति र जेठ २ मा फर्किन एमाले अध्यक्ष केपी ओली पक्ष सहमत नभएपछि डडेलधुराका एमाले अध्यक्ष तारा जोशीसहित जिल्ला कमिटी नेकपा एसमा समाहित भएको हो ।

डडेलधुराका पार्टी अध्यक्ष जोशी एमालेभित्र निक्कै वौद्दिक नेता मानिन्थे । उनले दिल्लीको जवाहरलाल नेहरु विश्वविद्यालयबाट पिएचडि गरेका हुन । उनी एमालेमा घनश्याम भुसाल निकट मानिन्थे ।

जोशी सहितको टिम नेकपा एसमा समाहित भएपछि एमाले डडेलधुरामा कमजोर भएको छ ।

पार्टी प्रवेश कार्यक्रमलाई सम्वोधन गदै अध्यक्ष नेपालले सुर्यमा ग्रहण लागिसकेकाके बताएका थिए । एमालेको सूर्य चिन्ह आफैले ल्याएको र त्यसमा अहिले ग्रहण लागिसकेकोले आफुहरु कलम चिन्ह लिएर आएको नेपालले बताएका थिए । पार्टी समाहित कार्यक्रममा माधव नेपाल पर्यटन मन्त्री प्रमे आलेलाई साथ लिएर डडेलधुरा पुगेका थिए ।