काठमाडौं । पेट्रोलियम पदार्थको मूल्य वृद्धिको विरोधमा नेकपा(एमाले)निकट विद्यार्थी संगठन अनेरास्ववियुले शुक्रबार साँझ काठमाडौंमा मशाल जुलुस निकालेको छ ।

अनेरास्ववियुका विद्यार्थीहरुले त्रिचन्द्र कलेज अगाडि मशाल जुलुस निकालेको हो । एमाले अखिलले प्रदर्शनीमार्गस्थित आरआर क्याम्पस अगाडि पनि शुक्रबार साँझ प्रदर्शन गरेका छन् ।

यसअघि विहीबार पनि आर आर क्याम्पस अगाडि प्रदर्शन गर्दै प्रधानमन्त्रीको पुत्ला दहन गरेका थिए ।

उनीहरुले पेट्रोलियम पदार्थमा भएको मूल्यवृद्धि फिर्ता नगरेसम्म आन्दोलन जारी राख्ने बताएका छन् ।

नेपाल आयल निगमले बुधबार रातीदेखि पेट्रोल, डिजेल र मट्टितेलमा प्रतिलिटर ३ रुपैयाँ तथा खाना पकाउने एलपी ग्याँसमा प्रतिसिलिण्डर ७५ रुपैयाँले मूल्य बढाएको छ ।