काठमाडौं । नेकपा (एमाले)का नेता एवम् पूर्वउपप्रधानमन्त्री टोपबहादुर रायमाझीले न्यायालयमा देखिएको समस्याप्रति सरकार जिम्मेवार नभएको आरोप लगाएका छन् ।

नेता रायमाझीले न्यायालयमा देखिएको समस्याको दोष प्रधानन्यायाधीश चोलेन्द्रशमशेर जबरालाई मात्रै लगाएर अन्य न्यायाधीशहरुलाई चोख्याउने पक्षमा आफ्नो पार्टी नरहेको पनि स्पष्ट पारे ।

शनिबार काठमाडौंमा आयोजित एक साक्षात्कार कार्यक्रममा बोल्दै उनले प्रधानन्यायाधीश जबराले गल्ती गर्नु भएको छैन भनेर भन्न नमिल्ने उल्लेख गर्दै त्यो गल्तीको जिम्मेवारी अन्य न्यायाधीशहरुले पनि लिनुपर्ने तर्कं गरे ।

न्यायालयबाट भएका निर्णयहरुमा सबै न्ययमूर्तिहरुको सहमति रहेको जिकिर गर्दै हालका एमाले नेता रायमाझीले उक्त गलत निर्णय गरेका सबैले कारबाही भोग्नुपर्ने माग गरे ।

सरकारको जिम्मेवारी भन्दै उनले महाअभियोग लगाउने हो भने पनि सरकारले लगाउनु पर्ने बताए ।