काठमाडौँ । नेपाल स्टक एक्सचेञ्ज नेप्सेमा सुधार आएको छ । तिहारपछिका चार दिनसम्म १५८ अंकले घटेको बजारमा आज २६ अंकको सुधार आएको हो ।

यस क्रममा चार अर्ब ७३ करोड ४६ लाख रुपैयाँ बराबरको कारोबार हुँदा ८६ लाख कित्ता सेयर किनबेच भएको छ । आज कारोबार भएका सबै समूहमा सुधार आएको छ ।

विकास बैंक समूहमा १४१ अंक, जीवन बीमा समूहमा ११३ अंक र उत्पादन १०९ अंकको सुधार आएको छ । यसबाहेक अन्य सबै समूहमा पनि वृद्धि भएको छ ।

आज बोटलर्स नेपाल (तराई) र मानुषी लघुवित्त वित्तीय संस्थाको सेयर मूल्य समान १० प्रतिशतले बढेको छ । यस्तै, तेह्रथुम पावर कम्पनी र मैलुङ खोला जलविद्युत कम्पनीको सेयर मूल्य ९ प्रतिशतले बढेको छ ।