काठमाडौँ । भक्तपुरमा मोटरसाइकल दुर्घटना हुँदा एक जनाको मृत्यु भएको छ । आज बिहान मध्यपुरठिमी नगरपालिका-४ चारदोबाटोमा भएको मोटरसाइकल दुर्घटनामा चालकको मृत्यु भएको हो ।

बागमती प्रदेश ०३-०२७ प २३५३ नम्बरको मोटरसाइकल दुर्घटना हुँदा सिन्धुपाल्चोक घर भई भक्तपुरको लोकन्थली बस्ने २९ वर्षीय चालक प्रदीप कार्कीको मृत्यु भएको बताइएको छ । उनको मध्यपुरथिमि अस्पतालमा उपचारको क्रममा मृत्यु भएको प्रहरीले जनाएको छ । मोटरसाइकल सडकमा राखिएको डिभाइडरमा ठोक्किएर दुर्घटना भएको जनाइएको छ ।