नुवाकोट । नेपाली कांग्रेस नुवाकोटका प्रभावशाली नेता प्रमोद रिमालले बागमती प्रदेश प्रतिनिधिका लागि उम्मेदवारी घोषणा गरेका छन् । मंसिर ३ गते हुन लागेको निर्वाचनमा उनले नुवाकोट क्षेत्र नम्वर १ को (क) बाट बागमती प्रदेश प्रतिनिधीमा खुल्ला तर्फबाट उम्मेदवारी घोषणा गरेका हुन् ।

कांग्रेसभित्र इमान्दार र त्यागी राजनीतिक छवि बनाएका रिमाल देश र जनताको हितमा सदैव क्रियाशिल रहँदै आएका नेतामा पर्छन् ।

इमान्दार,लगनशील र कार्यकर्ताका दुःख सुखमा सँधै काँधमा-काँध मिलाएर हिड्न सक्ने खुवी बनाएका रिमालले पार्टीभित्रको गुट, उपगुट त्यागेर पूर्ण लोकतान्त्रिक र विधि प्रक्रियामा चल्ने कांग्रेस बनाउन पनि आफ्नो उम्मेदवारी रहेको बताएका छन् ।

कांग्रेसका क्षेत्रिय प्रतिनिधीहरुलाई मतदान गरेर नपछुताउने बन्नका लागि पनि खुल्ला प्रदेश प्रतिनिधीका लागि आफूलाई मतदान गर्न रिमालले आग्रह गरेका छन् ।

को हुन् रिमाल ?

नुवाकोटको साविक रालुकादेवी ७ (हालको तादी गाउँपालिका ३ ) मा जन्मिएका प्रमोद रिमालले नेपाली कांग्रेसको सक्रिय राजनीति गरेकै चार दशक पुगिसकेको छ । तीसको दशकमै कांग्रेसको विधार्थी संगठन नेपाल विधार्थी संघबाट उनले राजनीति शुरु गरेका थिए । रिमाल २०३५ सालमा नेविसंघको जिल्ला सचिव थिए ।

पञ्चायती शासनकालमा बहुदलिय प्रजातन्त्रको पुर्नस्थापनाको माग गरेका राजनीतिक पार्टीलाई तत्कालिन शासकहरुले प्रतिवन्ध लगाएको थियो । पार्टी प्रतिवन्धित हुँदा रिमाल त्यसवेला पनि कांग्रेसको नुवाकोट जिल्ला सदस्यका रुपमा क्रियाशिल थिए ।

२०४२ सालमा उनी नेविसघंंको तर्फबाट ताहाचल क्याम्पस काठमाडौंमा स्ववियु सभापति समेत लडेका थिए ।

२०४६ सालको जनआन्दोलन अगाडी नै रिमालले नेपाल तरुण दलको दुई कार्यकालसम्म जिल्ला अध्यक्ष भएर काम गरेका थिए । त्यसपछि पञ्चायत विरोधी आन्दोलनमा सक्रियतापूर्वक लागेकै कारण त्यसवेलाको पञ्चायती शासकहरुले रिमाललाई पटक-पटक जेलनेलको सँजायाँ दिएको थियो ।

त्यसवाट पनि उनी विचलित भएनन ।

राजनीतिमा उनको लगनशीलता, निरन्तरता जारी नै रह्यो । राजनीतिलाई पेशा भन्दा पनि विशुद्द समाजसेवा बनाउँदै हिडेका रिमाल नेपाल तरुण दलमा विनोद कायस्थ अध्यक्ष हुँदा केन्द्रीय सदस्य भएका थिए । कायस्थपछि तरुण दलमा उदयशम्शेर राणा अध्यक्ष चुनिए । त्यो कार्यकालमा पनि उनी संगठनको केन्द्रीय सदस्यको जिम्मेवारीमा थिए ।

पञ्चायत विरोधी आन्दोलनमा पटक-पटक जेलनेल भोगेका रिमाल जनआन्दोलनपछि पनि निरंकुश राजाले सत्ता आफ्नो हातमा लिएपछि फेरि पक्राउ परे । निरंकुश राजाको कदमका विरुद्द भएको आन्दोलनका क्रममा पनि उनले फेरि ६ महिना जेलको कष्टकर जीवन ब्यतित गरेका थिए ।

उनीसँग माध्यामिक विधालयको हेडमास्टर भएर काम गरेको अनुभव पनि छ । कांग्रेसको राजनीतिमा झण्डै चार दशक समय गुजारेका रिमालले राजनीतिलाई आफ्नो ब्यक्तिगत अवसर र लाभको रुपमा कहिल्यै उपयोग गरेनन । सधै मूल्य, मान्यता र निष्ठाको राजनीति गर्दै आएका रिमाल एक कुशल संगठनकर्ता, पार्टीको अनुशासित कार्यकर्ता, बैचारिक नेता पनि हुन् ।

जीवनको उर्जाशिल समय, खर्च कांग्रेसका लागि गरेका रिमाललाई वागमति प्रदेश प्रतिनिधीका लागि काग्रेसका प्रभावशाली नेताहरु डा रामशरण महत, डा प्रकाशशरण महत लगायत नेताहरुको साथ र समर्थन रहेको छ । शुसिल खड्काको समुहवाट उनले प्रदेश प्रतिनिधीमा उम्मेद्वारी घोषणा गरेका हुन् ।