काठमाडौं । कर्णालीको आन्तरिक मामिला तथा कानुन मन्त्रीमा नियुक्त भएका नेकपा (एकीकृत समाजवादी)का नेता चन्द्रबहादुर शाहीले मंगलबार भूमि, व्यवस्था, कृषि तथा सहकारी मन्त्रीको शपथ लिएका छन् ।
मुख्यमन्त्री जीवनबहादुर शाहीले शाहीलाई कानूनमन्त्री नियुक्त गरेका थिए । मुख्यमन्त्री जीवनबहादुर शाहीको सचिवालयले शाहीलाई कानुन मन्त्रीमै नियुक्त गरिएको दाबी गरेको थियो । तर, शाहीले आफूलाई कृषि मन्त्री चाहिने भन्दै बार्गेनिङ गरेपछि सपथ कार्यक्रम रोकिएको थियो ।
अन्ततः शाहीले मंगलबार भूमि, व्यवस्था, कृषि तथा सहकारी मन्त्रीकै सपथ लिएका हुन् । शाहीलाई मंगलबार साँझ प्रदेश प्रमुख तिलक परियारले पद तथा गोपनीयताको शपथ ग्रहण दिलाएका छन् ।