काठमाडौँ । चितवनमा जारी नेकपा एमालेको १० औँ महाधिवेशन स्थल सौरहामा नयाँ नेतृत्व चयन गर्न मतदान भइरहेको छ । सोही क्रममा अध्यक्षका उम्मेदवार भीम रावलसहितका नेताहरूलाई भोट नहाल्न पर्चा बाँडिएको छ ।

अध्यक्षमा रावलसहित उपाध्यक्षमा धनश्याम भुसाल, सचिवमा टंकप्रसाद कार्की, सचिवमा भीमप्रसाद आचार्यलाई भोट नहाल्न भन्दै प्रतिनिधिलाई पर्चा बाँडिएको हो ।

भोट नहाल्न भन्दै प्रतिनिधिहरुलाई बाँडिएको पर्चामा अध्यक्षका अर्का प्रत्यासी केपी शर्मा ओलीसहित पूर्वमाओवादीका नेता रामबहादुर थापा ‘बादल’, लेखराज भट्टलगायतका एमालेका नेताहरूको नामावली रहेको छ ।