कैलाली । नेपाली काँग्रेस सुदूरपश्चिम प्रदेशका नवनिर्वाचित अध्यक्ष वीरबहादुर बलायरले सुदूरपश्चिममा बढेको कम्युनिष्ट बढेको चिन्ता ब्यक्त गरेका छन् ।

कांग्रेस सूप प्रदेश सभापतिमा निर्वाचित भएपछि सञ्चारकर्मीसँग धारणा राख्दै उनले सुदूरपश्चिममा कम्युनिष्टको बढेकै कारण कांग्रेस चेपुवामा परेको गुनासो गरे ।

‘काँग्रेस निरिह छ, काँग्रेसीहरुले कुनै गल्ती गरेको छैनन् तर हाम्रो गल्तीले सजाय दिने मानिस काँग्रेस हुन सक्दैनन् ।’ –उनले भने ।

कांग्रेस सभापति बलायरले पार्टीमा अब गुट–उपगुट नभनिन सबैलाई मिलाएर लैजाने प्रतिवद्धता पनि जनाएका छन् ।

‘यो लोकतात्रिक पार्टी भएकाले निर्वाचनमा लोकतात्रिक अभ्यास गरेका हौं,’ उनले भने, ‘यसमा कुनै तुस लिएर हिड्नुको अर्थ छैन ।’

काँग्रेसका माध्यबाट हामीले नेपाली जनताको भविश्य र नेपाल राष्ट्रको भविश्य खोजनुपर्ने उनले बताए ।

कम्यूनिष्टको सरकारले सुदूरपश्चिमका योजनाहरु मुख्य प्राथमिकतामा राखेर केन्द्रदेखि प्रदेशसम्म समेटन नसकेको उनले आरोप लगाए ।

कम्यूनिष्टले नेपालको सविधान दिन नसकेको परिस्थितिमा कांग्रेसले २०७० को निर्वाचनमा बहुमत नल्याए पनि पहिलो पार्टी भएको र त्यसको नेतृत्वमा काँग्रेसले नेपालको संविधान जारी गरेको उनले बताए ।

सत्तरीको निर्वाचनमा काँग्रेस पराजित भएपनि सविधानको विजय भएको उनको भनाई थियो ।