१४ औं महाधिवेशनको ऐतिहासिक अवसरमा सवैभन्दा पहिले श्रद्देय जननायक विपि कोइराला, गणेशमान सिंह, सुर्वण शम्शेर राणा, गिरिजाप्रसाद कोइराला, कृष्णप्रसाद भटटराई, महेन्द्रनारायण निधि, शुसिल कोइरालालाई श्रद्धासमुन अर्पण गर्न चाहान्छु ।

राजनीति गर्ने ब्यक्तिमा मूल्य र मान्यता भन्नेमा म अत्यन्त विश्वास गर्छु । मूल्य, नैतिकता गुमाएपछि राजनीति सम्भव हुँदैन भन्ने कुरा पनि म यहाँहरुसँग राख्न चाहान्छु । महाधिवेशनका प्रतिनिधीहरु आफै नेता हुन्, नेपाली कांग्रेसभित्र । दोस्रो चरणको मतदान हुन गईरहेको छ, त्यसमा भोट जसरी उहाँहरुले दिनुहुन्छ त्यो वेला आफनो मनको आन्तरआत्माले विवेक प्रयोग गरेर मतदान गर्नुहुनेछ भन्ने विश्वास पनि लिएको छु ।

त्यो एक मतले नेपालको भविश्य हामी परिवर्तन गर्न सक्र्छौं भन्ने विश्वास लिएको छु । त्यसकारण म महाधिवेशन प्रतिनिधीलाई विनम्र आग्रह गर्न चाहान्छु – भोट हाल्दा खेरी गुटको भागवन्डा, सवैलाई विर्सेर आफनो विवेक प्रयोग गर्नुस र आफनो मनको आन्तरआत्माले के भन्छ, त्यो कुरालाई भोटमा प्रतिविम्वित गर्नुस भन्न चाहान्छु ।

म नेपाली कांग्रेसको समग्र जीवनमा परिवर्तन र सुधार गर्ने प्रतिवद्धता सहित हिडिरहेको छु । ब्यवस्थित नेपाली कांग्रेसभित्र अब्यवस्थाको चाङ लागेको छ, त्यसलाई पन्छाएर ब्यवस्थित रुपमा काग्रेसलाई अगाडी बढाउन पक्कै पनि लाग्नुपर्नेछ । हिजै पनि तपाई महाधिवेशन प्रतिनिधी साथीहरुले हेर्नुभयो होला, निर्वाचनको वेलामा भएका घटनाहरु मैले भनिरहनु पर्ने आवश्यकता देख्दिन ।

मैले आजसम्म रुपान्तरण र पूर्नजागरणको कुरा गरेर आएको छु – ४, ५ वर्ष देखि । त्यसलाई तार्किक निश्कर्षमा पुरायाउने मैले सोच बनाएको छु । र हाम्रो टिम जुन छ, त्यसले त्यसमा पक्कै पनि मिलेर हामी काम गछौं भन्ने कुरा तपाईहरुका वीचमा राख्न चाहान्छु । म मेरो देश र पार्टी, जनताको सुरक्षित भविश्यको लागि र आउने पुस्ताको सुखद जीवनको लागि सम्पूर्ण जीवन समर्पण गर्न चाहान्छु । अन्तमा यस निर्वाचनमा साथीहरुले भरोसा गरेर मलाई जुन माया गर्नुभयो, भोट दिनुभयो । त्यसका लागि म कृतज्ञता पनि उहाहरुप्रति ब्यक्त गर्न चाहान्छु ।

र आज हुने दोस्रो चरणको मतदानवाट जुन सकुै परिणाम आएपनि त्यसलाई म सहर्ष स्वीकार गर्छु र नेपाली काग्रेसभित्र वृहतर एकताको प्रयास मेरो निरन्तर रहिरहनेछ भन्ने विश्वास दिलाउन चाहान्छु । कांग्रेसभित्रको चुनाव यो आन्तरिक लोकतन्त्र हो । स्वस्थ्य प्रतिस्पर्धामा हामी विश्वास गछौं । मलाई पक्कै पनि विश्वास छ दोस्रो चरणको निर्वाचनमा मेरो विजय हुन्छ ।

(पत्रकार सम्मेलनमा ब्यक्त सम्वोधनको सम्पादित अंश)