काठमाडौँ । नेपाली कांग्रेसका नेता गगन कुमार थापाले सभापतिका उम्मेदवार डा शेखर कोइरालालाई मतदान गर्न आग्रह गरेका छन् । मंगलबार विज्ञप्ति जारी गर्दै थापाले कांग्रेसको महाधिवेनमा दोस्रो चरणमा हुन लागेको सभापतिको मतदानमा कोइरालालाई मतदान गर्न महाधिवेशन प्रतिनिधिसँग आग्रह गरेका हुन् ।

उनले आफ्नो हृदयलाई सोधेर विवेकपूर्ण प्रयोग गरेर पार्टी रुपान्तरणको लागि सभापतिका उम्मेदवार कोइरालालाई मतदान गर्न अपिल गरेका छन् । उनले संविधान कार्यान्वयनको सफल नेतृत्व गर्न, राजनीतिमा देखिएका अनेकन वेथितिको अन्त्य गर्न र पार्टीलाई विधि र थितिमा वदल्न नेतृत्व परिवर्तन गर्न अपरिहार्य रहेको बताए ।