काठमाडौं । एमाले महासचिव शंकर पोखरेलले भीम रावल एमालेको केन्द्रीय सल्लाहकार परिषदमा रहेको बताएका छन् । अध्यक्ष केपी ओलीसँग चुनावी प्रतिस्पर्धा गरेका रावलले केन्द्रीय सदस्य समेत अश्वीकार गरेपछि उनको एमालेको जिम्मेवारी के हो ? भनी सञ्चारकर्मीले एमाले केन्द्रीय कमिटिको बैठकको निर्णय सार्वजनिक गर्न आयोजना गरेको पत्रकार सम्मेलनमा महासचिव पोखरेलले रावल नीतिगत रुपमा पार्टीको केन्द्रीय सल्लाहकार परिषद्मा रहेको बताए ।

‘भीम रावल केन्द्रीय सल्लाहकार परिषद्मा हुनुहुन्छ । उहाँ नीतिगत रुपमा । उहाँले अध्यक्षसँग परामर्श गर्न सक्नुहुनेछ । अध्यक्षसँग काम गर्ने गरी कुरा गर्नुभएमा त्यस्तो पूस्ताव आएमा उहााँलाई थप के जिम्मेवारी दिने भन्नेमा हामी छलफल गर्न सक्छौं, तर उहाँँ नीतिगत रुपमा केन्द्रीय सल्लाहकार परिषद्मा हुनुहुन्छ ।’ पोखरेलले भने ।

एनले पार्टीभित्र जिम्मेवारीका सवालमा कसैलाई पनि विभेद नगरिएको जिकिर गरे ।

पार्टी नेकपाको निरन्तरताका रुपमा रहेका र माधव नेपालको कदमप्रति असहमति जनाएर पार्टीभित्रै रहेका कर्सैलाई पनि विभेद नगरेको उनले बताए । ‘कसैलाई पनि पार्टीले विभेद गरेको छैन । हाम्रो पार्टी विशाल कार्यकर्ताको सहभागिता भएको पार्टी हो । झापा आन्दोलन, ०३६, ०४६ र ०६२/०६३ को आन्दोलनवाट हुर्केको पार्टी पंक्ति पनि छ हामीसँग’ महासचिव पोखरेलले भने,–‘‘पार्टीमा एकसे एक रहदा सवैलाई समान प्रकारको जिम्मेवारी दिन सकिदैन । जिम्मेवारी दिँदा कोही कसैलाई आग्रह छैन ।’

पुस्तान्तरणमा एमाले पहिलो पार्टी

महासचिव पोखरेलले पार्टी नेतृत्वको पुस्तान्तरणमा एमाले पहिलो पार्टी भएको बताएका छन् । कांग्रेसमा महामन्त्रीमा गगन थापा र विश्वप्रकाश शर्माहरुले चुनाव जितेपछि कांग्रेसमा पुस्तान्तरण भएको भनी चर्चा भईरहेका बेला एमाले महासचिव पोखरेलले कांग्रेसले भन्दा पनि एमालेले पुस्तान्तरणको काम पहिले गरेको बताएका हुन् ।

शुक्रवार पार्टीको दोस्रो पूर्ण वैठकले गरेको निर्णय सार्वजनिक गर्न आयोजना गरेको पत्रकार सम्मेलनमा महासचिव पोखरेलले पुस्तान्तरणको मुद्दा कांग्रेसले पछि पछि फलो मात्र गरेको बताए ।

‘पुस्तान्तरणमा हामी पहिलो हौं, अरुले अहिले फलो गरे । राजनीतिक दलको पुस्तान्तरणका लागि तीन पुस्ताको नेतृत्वको कुरा हामीले गरेका छौं । केन्द्रीय कमिटिमै ४५ प्रतिशत नयाँ पुस्ता आएका छन् । आधारभूत तहका कमिटिमै ३३ प्रतिशत महिला प्रतिनिधित्व हामीले गराएका छौं,’ महासचिव पोखरेलले भने ।

संसद चल्न दिदैनौं

एमालेले आफुले कारवाही गरेका माधव नेपालहरुलाई सँगै राखेर संसद चल्न नदिने कुरा फेरि पनि दोहोराएको छ । महासचिव पोखरेलले पार्टी निर्णय सार्वजनिक गदै सभामुखले कि पार्टीले कारवाही गरेकालाई कारवाही गर्नुपर्ने कि राजीनामा दिएर मार्गप्रसस्त गर्नुपर्ने भन्दै पोखरेलले त्यसो नगर्दासम्म सांसद चल्न नसक्ने वताए ।

संसद नचलेसम्म संसदको विजनेसका विषयमा एमालेले कुनै छलफल नगरेको महासचिव पोखरेलले बताए । उनले एमसीसीका विषयमा सत्तासिन दलले के गर्छ भन्ने अहिलेसम्म टुग्गो नलागेको र त्यसलाई आफुहरुसाग कुनै छलफल पनि नभएको बताए ।

‘एमसीसीमा सरकारले के गर्छ भन्ने टुंग्गो छैन । न सरकारले कार्यसूचीमा राखेको छ, न सरकारले हामीलाई केही भनेको छ । संसद प्रति नै हाम्रो विमति छ । पार्टीले कारवाही गरेकोलाई सूचनामात्र प्रकाशित गर्ने सभामुखले के गर्छन् ? निर्वाचन आयोगको निर्णयप्रति पनि असहमति छ । यस अर्थमा यी विषयमा सम्वोधन हुदैन । हामीले कारवाही गरेकालाई राखेर संसद चलाउने कुरा स्वीकार्य हुदैन,’ महासचिव पोखरेलले भने,–‘या सभामुखले राजीनामा दिने, मार्गप्रसस्त गरेर जाने हो भने नयाँ प्रक्रिया शुरु हुन्छ अन्यथा अर्काे तरिकाले संसद चल्दैन । सर्वाेच्चमा मुद्दा दायर गरेका छौं, त्यसको मुद्दाको फैसल्ला न भएको छ, न सभामुखले गल्ती कमजोरी सञ्चाएका छन्, न मार्ग प्रसस्त गरेका छन् । संसद अवरोध हटाउनेमा सत्तापक्षले पहल गर्नुपर्छ । त्यसपछि मात्र विजनेशमा जान्छौं ।’

राष्टिय सभा चुनावले जनमत वोल्दैन

म्हासचिव पोखरेलले माघ १२ मा हुन लागेको राष्ट्रिय सभाका केही सिटका लागि हुन लागेको निर्वाचनले जनमत नवोल्ने पनि वताए । एमालेलाई असम्वैधानिक र गैहकानुन िरुपमा खण्डित गरेर हुन लागेको चुनावले जनमत नबोल्ने पोखरेलको भनाई थियो ।

एनले राष्टिय सभामा सक्रियातपूर्वक सहभागिता एमालेको रहने र मत मिल्ने शक्तिसँग सहकार्य पनि हुन सक्ने वताउँदै उक्त निर्वाचनबाट आउने परिणाम नै सवै थोक अहिले नभएको बताए ।

‘अहिलेको अवस्थामा परिणाम के हुन्छ भन्नेमा चिन्ता गदैनौं । यो प्रत्यक्ष चुनाव होइन, परोक्ष चुनाव हो । माधव नेपालको मार्फत हाम्रो परिणामलाई खण्डित गर्ने काम भएको छ । गैह सम्वैधनिक गैह कानुनी काम भएको छ । हाम्रो सदस्यलाई खण्डित गर्ने काम भएको छ । त्यो जनादेश होइन । हामी जनादेशको कुरा गरिरहेका छौं । स्थानिय देखि केन्द्रसम्मको चुनाव गरौं। त्यसमा जनमत दाजिँनेछ ।’ पोखरेलले भने ।

प्रचण्ड-ज्ञानेन्द्र सम्वन्ध : हामीले आधार दियौं, पुष्टाई तपाईहरु गर्नुस

पोखरेलले माओवादी केन्द्रका अध्यक्ष प्रचण्ड र पूर्व राजा ज्ञानेन्द्रका वीचमा माघ १९ को कदमका बेला सहमति भएको भन्ने पार्टी अध्यक्ष ओलीको भनाईको वचाउ पनि गरे । उनले त्यसलाई मिथ्या कुराको रुपमा नवुझि आफनो पार्टी अध्यक्षले आधार दिएको र त्यसको पुष्टाई गर्न भने सञ्चारकर्मीहरुलाई आग्रह गरे ।

‘माघ १९ पछि माओवादीको तर्फबाट जारी गरेको आधिकारिक वक्तब्यले उहाहरुको अनुभूति के थियो ? त्यसवेला वावुराम र प्रचण्डले वीचको अन्तरकलहमा पनि छ । त्यो आधर हामीले गरेका छौं, तपाईहरुले पुष्टाई गरिदिनुस । यो गलत होइन । मिथ्या कुरा हामीले गरेको होइन,’ पोखरेलले भने ।