काठमाडौं । नेपाली कांग्रेसको खुल्ला महिला केन्द्रीय सदस्यतर्फको मतगणना जारी छ । हालसम्म २०६५ मतगणना गरिएको केन्द्रीय निवार्चन समितिले जनाएकाे छ । जसमा पहिलो नम्बरमा डा. डिला संग्रौला रहेकी छिन् ।

उनले अहिलेसम्मको परिणाममा १२६८ मत ल्याएकी छिन् । पुष्पा भूसाल ११९६ मतसहित दोस्रो स्थानमा रहेकी छिन् । प्रधानमन्त्री एवं कांग्रेस सभापति शेरबहादुर देउवाकी पत्नी आरजु राणा देउवा १११६ मतका साथ तेस्रो स्थानमा रहेकी छिन् ।

अम्बिका बस्नेत ९९८ मतसहित चौथो स्थानमा रहँदा ईश्वरी न्यौपाने ९८५ मतसहित पाँचौ स्थानमा रहेकी छिन् । त्यस्तै सरिता प्रसाइ ९४९ मतसहित छैटौ स्थानमा रहेकी छिन् ।
त्यसैगरी, सातौं स्थानमा रमा कोइराला ८१३ मत ,शुशिला ढकाल आठौं स्थानमा रहेकी छिन् । उनले ७९४ मत ल्याएकी छिन् । रङंमती शाही ७८० मत ल्याएर ९ औं नम्बरमा छिन् । खुला महिला केन्द्रीय सदस्यतर्फ ९ जना जिवयी हुनेमा ३० जना प्रतिष्प्रधामा रहेका छन् ।