काठमाडौँ । नेकपा एमालेका अध्यक्ष केपी शर्मा ओलीले नेपालको खेत बाँझो राखेर भारतलाई पानी दिन नसकिने बताएका छन् । कपिलवस्तुमा मंगलबार आयोजित सभामा पूर्व प्रधानमन्त्री समेत रहेका एमाले अध्यक्ष ओलीले नेपालको खेत बाँझो राखेर भारतलाई पानी दिन नसकिने बताएका हुन् ।

उनले भने, ‘यता नेपालतर्फ बाँझो जमिन छ, उता भारततर्फ खेती भइरहेको छ, यो कदापी हुँदैन।’ कपिलवस्तुका मंगलप्रसाद गुप्तासहितका नेता कार्यकर्तालाई पार्टी प्रवेश गराउँदै ओलीले मधेशमा एमालेको बढ्दो जनलहरले एमालेविरुद्ध लाग्नेहरूलाई जलन भएको बताए ।