विराटनगर । नेपाली कांग्रेसका नेता डा. शेखर कोइरालाले आफ्नै भाइबहिनी मिलाउन नसक्दा आफ्नो पराजय भएको बताएका छन् ।

उनले सभापतिमा हार ब्यहोर्नुमा आफ्नो पनि कमजोरी भएको भन्दै आफ्नै भाइ–बहिनी तथा नेतालाई मिलाउन नसक्नु कमजोरी भएको बताए ।

कोइराला सभापति पदमा उठ्ना डा. शशांक कोइराला र सुजाता कोइराला अर्कै समूहमा रहेका थिए । दास्रो चरणको मतदानमासमेत उनीहरुले डा. शेखरलाई असहयोग गरेका थिए ।

१४ औं महाधिवेशनपछि पहिलो पटक गृह जिल्ला मोरङ पुगेका कोइरालाले आफ्नो बरियता कार्यकर्ताले नै कायम गरिदिएको स्वीकार गरेका छन् ।

कोइरालाले विराटनगर विमानस्थलमा पत्रकारसँग कुरा गर्दै आफूलाई आएको मतदानले नै वरीयता कायम गरिदिएको उल्लेख गरे ।

कांग्रेस केन्द्रीय कमिटीको बैठकले कोइरालालाई केन्द्रीय सदस्य मनोनीत गर्दै २० औं नम्बरको वरीयता कायम गरेको छ ।