काठमाडौं । भारतले १९ वर्ष मुनिको यू १९ एसिया कप क्रिकेटको उपाधि हात पारेको छ । भारतले आठौं पटक यू १९ एशिया कप क्रिकेटको उपाधि जितेको हो ।

दुबईमा शुक्रबार भएको फाइनल खेलमा श्रीलंकालाई नौ विकेटले हराउँदै भारतले उपाधि जितेको हो । वर्षाले प्रभावित खेलमा भारतीय टोलीले जितका लागि ३८ ओभरमा एक सय दुई रनको लक्ष्य पाएको थियो । भारतका लागि आंकिश रघुवंशीले ५६ र शैक रशीदले ३१ रन बनाए ।

यसअघि श्रीलंकाले टस जितेर पहिले ब्याटिङ गर्दै ३८ ओभरमा नौ विकेट गुमाएर एक सय ६ रन बनायो । तर डकवर्थ लुइस नियमको आधारमा भारतले ३८ ओभरमा एक सय दुई रनको लक्ष्य पाएको थियो । श्रीलंकाका लागि यसुरु रोड्रिगोले १९ र रविन डी सिल्भाले १५ रन बनाए भने बलिङतर्फ भारतका विक्की बस्तलले तीन र कौशल ताम्बेले दुई विकेट लिएका थिए ।
यू १९ एशिया कपमा नेपाल भने जितविहिन भएर फर्किएका छ ।