काठमाडौं । इंगलिस प्रिमियर लिगको गएरातीको खेलमा आफ्नै घरेलु मैदानमा म्यान्चेष्टर युनाइटेडले उल्भर ह्यामटन वान्डरर्ससँग पराजय ब्यहोरेको छ ।

म्यान्चेष्ट युनाइटेडको घरेलु मैदान ओल्ड ट्राफोर्डमा सम्पन्न खेलमा उल्भसले म्यानयूलाई १–० ले पराजित गरेको हो । उल्भसका लागि जोआओ मौटिनोले खेलको ८२ औं मिनेटमा गोल गरे ।

मौटिनोको एक मात्र गोल म्यानयूलाई पराजित गर्न सहज बन्यो । उल्भसले सन् १९८० पछि पहिलो पटक ओल्डट्राफोर्डमा जित निकालेको हो ।

उल्भ्ससँग पराजित म्यानयू १९ खेलबाट ३१ अंक जोड्दै सातौं स्थानमा रहेको छ भने उल्भ्स बराबरी खेलमा २८ अंकका साथ आठौं स्थानमा उक्लिएको छ ।

प्रिमियर लिगमा २१ खेल खेलेको म्यान्चेष्टर सिटी ५३ अंकका साथ शीर्ष स्थानमा रहेको छ भने चेल्सी बराबरी खेलमा ४३ अंकका साथ शीर्ष दोस्रो स्थानमा छ । चेल्सीका लागि लिभरपुल चुनौति बनेको छ । लिभरपुलले २० खेलमा ४२ अंक जोडेको छ ।