पोखरा । राष्ट्रियसभा सदस्य निर्वाचनका लागि गण्डकी प्रदेशबाट नेकपा (एमाले)का तीन जनाले उम्मेदवार मनोनयन दर्ता गराएका छन् ।

कास्कीमा पुण्यप्रसाद पौडेल, स्याङजाका अर्जुनकुमार सुनाम र नवलपरासी (बर्दघाट सुस्तापूर्व)की लीला थनेतले उम्मेदवार दर्ता गराएको निर्वाचन कार्यालय गण्डकी प्रदेशका प्रमुख हुमनाथ पराजुलीले जानकारी दिए ।

पौडेलले खुल्लातर्फ, नेपालीले दलिततर्फ र थनेतले महिलातर्फबाट उम्मेदवार दर्ता गराएका हुन् ।

राष्ट्रियसभाको १९ पदका लागि आगामी माघ १२ गते हुने उक्त निर्वाचनका लागि आज बिहान १० देखि दिउँसो ३ बजेसम्म उम्मेदवारको मनोनयन दर्ताको समय तोकिएको छ । निर्वाचनमा १२ राजनीतिक दलले भाग लिँदैछन् ।