काठमाडौं । सत्तारुढ दलको उच्चस्तरीय राजनीतिक समन्वय समितिको बैठकले राष्ट्रिय सभा निर्वाचनमा सत्ता गठबन्धनका उम्मेदवारहरुलाई जिताउन मतदातालाई सामुहिक अपिल गर्ने निर्णय गरेको छ ।

सात ओटै प्रदेशमा सत्ता गठवन्धन दलका साझा उम्मेदवारलाई जिताउन समन्वय समिति बनाई भूमिका पनि खेल्ने निर्णय गरेको छ ।

संन्यत्रको वैठकले गठबन्धनका उम्मेदवारहरुलाई जिताउन मतदातालाई अपिल गर्ने निर्णय गरेको बैठकपछि सरकारका प्रवक्ता समेत रहेका सञ्चारमन्त्री ज्ञानेन्द्रबहादुर कार्कीले जानकारी दिए ।

राष्ट्रिय सभा निर्वाचन आगामी माघ १२ गते हुँदै छ ।

संन्यत्रमा अहिले कांग्रेसका बरिष्ठ नेता रामचन्द्र पौडेल संयोजक छन् । तीन तीन महिनामा सत्तारुढ दलका नेताहरले नेतृत्व अदलवदल गर्ने गरी यो संन्यत्र निर्माण भएको हो । पौडेल संयोजक भएपछि संन्यत्रको यो दोस्रो बैठक हो ।

वैठकमा प्रधानमन्त्री शेरबहादुर देउवाको भारत भ्रमणका विषयमा पनि छलफल भएकोृ छ । सत्तारुढ दलका नेताहरुले प्रधानमन्त्री देउवालाई भारत भ्रमणको शुभकामना समेत संन्यत्रको बैठकमार्फत दिउका छन् । दुई देश वीचको सम्बन्ध प्रधानमन्त्रीको भारत भ्रमणले थप सुदृढ हुने संयन्त्रले विश्वास व्यक्त गरेको पनि वैठकपछि सञ्चरमन्त्री कार्कीले बताए ।

देउवा आगामी आइतबार चार दिने भारत भ्रमणका लागि २५ सदस्यीय टोलीसहित जाँदैछन् ।