काठमाडौं । सहिद स्मारक ‘ए’ डिभिजन लिग फुटबलको आठौ चरणको खेलमा आइतबार हिमालयन शेर्पा र थ्रीस्टार भिड्दैछन् ।

लगातार तेस्रो खेलमा जित निकालेको हिमालयन शेर्पा लिगको आठौं चरणको खेलमा चौथो जितको योजनामा थ्रीस्टार क्लबविरुद्ध मैदान उत्रिदैछ ।

त्रिपुरेश्वरस्थित दशरथ रंगशालामा अपरान्ह पौने ५ बजे खेल सुरु हुनेछ । हुने आठौं चरणको खेलमा आज एक मात्र खेल हुनेछ ।

लिगमा शेर्पा तीन खेलयता अपराजित छ । उसले तीनै खेलमा शत प्रतिशत अंक जोडेको छ ।

थ्रीस्टार समेत पाँच खेलयता अपराजित छ । पछिल्लो खेलमा जावलाखेलविरुद्ध स्पष्ट तीन अंक हाँसिल गरेको छ ।

थ्री स्टार ७ खेलमा १० अंक जोडेर छैटौं स्थानमा रहेको छ । शेर्पा ७ खेलमा ११ अंक जोडेर पाँचौं स्थानमा रहेको छ ।