काठमाडौँ । शिक्षामन्त्री देवेन्द्र पौडेललाई कोरोना भाइरस संक्रमण पुष्टि भएको छ । सोमबार बिहान दिएको स्वाबको परीक्षण रिपोर्ट पोजेटिभ रिपोर्ट आएको उनका प्रेस संयोजक विमल खड्काले जानकारी दिए ।

‘माननीय शिक्षा, विज्ञान तथा प्रविधिमन्त्री देवेन्द्र पौडेललाई कोभिड पोजेटिभ देखिएको छ, रुघा र सामान्य खोकी लागेपछि उहाँले सोमबार बिहान पीसीआर परीक्षण गर्नुभएको थियो,’ उनले आफ्नो सामाजिक सञ्जालमा लेखेका छन्, ‘अहिले उहाँको स्वास्थ्य अवस्था सामान्य रहेको छ ।’

पौडेल अहिले होम आइशोलेसनमा छन् ।