पोखरा । पोखरामा जारी आहा रारा गोल्डकपको मंगलबार भएको खेलमा थ्रीस्टार क्लवलाई पराजित गर्दै आर्मी क्लव सेमिफाइनलमा प्रवेश गरेको छ ।

पोखरा रंगशालामा भएको चौथो क्वार्टरफाइनलमा थ्रीस्टारलाई १–० ले पराजित गर्दै आर्मीले अन्तिम चारमा स्थान बनाएको हो । आर्मीका लागि राजीव गुरुङले दोस्रो हाफमा ७० औं मिनेटमा गरेको गोल नै जितका लागि निर्णायक बन्यो ।

आर्मीको जीतसँगै सेमिफाइनलको समिकरण पनि पूरा भएको छ ।

अब फाइनल प्रवेशका लागि आर्मीले विहीबार मनाङ मस्र्यायाङ्दी क्लबसँग प्रतिस्पर्धा गर्नेछ । मनाङले पुलिसलाई पराजित गरी सेमिफाइनलमा प्रवेश गरेको थियो ।

सेमिफाइनलको पहिलो खेलमा बुधबार सशस्त्र प्रहरी बलको एपीएफ क्लब र मछिन्द्र फुटबल क्लबबीच प्रतिस्पर्धा हुनेछ ।

एपिएफले पाहुना क्लव अमेरिकीलाई हराउँदा मछिन्द्रले संकटालाई पराजित गरेको थियो ।