काठमाडौं । प्रधानमन्त्री शेरबहादुर देउवा संसदको अन्तर्राष्ट्रिय सम्बन्ध समिति बैठकमै अनुपस्थित भएका छन् । प्रधानमन्त्रीको आसन्न अमेरिका भ्रमण, एसपीपी विवाद लगायतका विषयमा जानकारी लिन समितिले प्रधानमन्त्रीलाई आइतबार संसदको समिति बैठकमा बोलाउने निर्णय गरेकाके थियो ।

निर्णयका आधारमा समितिले प्रधानमन्त्री कार्यालयलाई पत्र पनि पठाएको थियो । प्रधानमन्त्रीले भने आफुलाई यस वारेमा जानकारी नै नभएको भन्दै बैठकमा अनुपस्थित भएका हुन् ।

प्रधानमन्त्री धनगढीमा छन् ।

यसअघि बजेट र विदेश नीतिबारे उठेका प्रश्नको जवाफ दिन प्रतिनिधिसभाको बैठकमा उपस्थित हुने कार्यसूची रहँदा पनि प्रधानमन्त्री देउवाले संसद छलेका थिए ।

समितिका सभापति पवित्रा निरौलाले प्रधानमन्त्रीको तर्फबाट आफूहरू धनगढीमा रहेको र पत्र नै प्राप्त नभएको जवाफ आएको जानकारी समितिको बैठकमा गराएकी थिइन् । प्रधानमन्त्री नआउने भएपछि समिति सदस्य समेत रहेका पूर्वप्रधानमन्त्री माधवकुमार नेपाललगायतका सांसदहरु बाहिरिएका छन् ।